Aizawl-Lengpui via Sihhmui Kawngpui khâr dawn

Aizawl-Lengpui via Sihhmui kawnga Tlawng lui chungah lei (bridge) thar dawh mekah vawiin aṭangin lui chungah lei dawh kai a ni dawn a, hei vang hian kawngpui khàr a ni dawn. Mamit district-a kal turte chu Buichali lei lama kal tura chah an ni.

Aizawl SP Rahool Alwal tarlan danin, lui kama lei rem khawm chu Tlawng lui chunga a awmna turah kawngpui kaltlanga nawr kai a ngaih dawn bakah, lei thar tur rem khawmna aṭanga lei innghahna thlenga nawr thlen nan kawngpuiah nawr kaina tur track siam a ngaih dawn avangin hun a duh rei dawn. Aizawl SP chuan lirthei tlan dan tur hriattirna a tichhuak a, hriattirna hian vawiin aṭanga November 31, 2024 thleng a huam ang.