KHAWTHLIR

Raj Bhavan tlawh theih

Diwali (October 31) pualin Raj Bhavan chu mipui tan tlawh theihin vawiin leh naktuk hian hawn a ni dawn. Raj Bhavan hawn hun chhung tur chu tlai dar 4 aṭanga zan dar 7 thleng a ni dawn a; lut chhuak duhte tan hmar lam gate (Assembly House lam) aṭanga kal tur a ni.

Tina lo turin ngen

Aizawl Wildlife Division-a deputy conservation of forests Margaret Lalramchhani chuan, tunlaiin Chhimphei tlangdungah záwng chhuak a awm thu tarlangin, tina lo turin mi tin a ngen a; záwng vanga buaina leh harsatna tâwk an awm a nih chuan EFCC department-ah hriattir turin mi tin a chah.