Ran chhiarpui neih mek a ni
India ram hmun dang rualin Mizoramah pawh ran chhiarpui vawi 21-na (21st Livestock Census) neih mek a ni a, October 26, 2024 khan ṭan niin, February 25, 2025-ah zawh tum a ni.
Ran chhiarpui neih chhung hian khua leh veng tinah enumerator-te'n anmahni bial tura ruat ṭheuhah ran chhiar hna an thawk dawn a; ran vulh chi (species) hrang hrang - bâwng, láwi, sial, kêl, berâm, sakawr, vawk, ui, sai (vulh lai), sazupui, ar, varak leh ârvâ chi dang, vulhte chhiar vek tur a ni a, zawhte erawh chhiar tel a ni dawn lo. Rante chu a chi (breed) hrang ang zel leh an kum bithliah leh nihna (gender) ang zelin chipchiar taka chhinchhiah tur a ni.
AH&Vety department chuan, ran chhiarpuia data lak khawm chu ran vulh lama hmasawnna tura ruahmanna - planning, policy leh programme hrang hrang duanna atan a pawimawh avangin census data dik leh rintlak neih a ṭul thu an tarlang.
Ran chhiarpui vawi 21-naah hian data dik leh rintlak a awm theih nan AH&Vety department chuan Mizoram khua leh veng tina khawtlang hruaitu - village/local council, tlawmngai pawlte leh mipuite an khua leh veng ṭheuha ran chhiarpui hna thawktute ṭha taka lo thawhpui turin an ngen a ni.