PUC-ah a thlawna inentirna buatsaih

Regional Institute of Paramedicals and Nursing Sciences (RIPANS), Pachhunga University College (PUC) Health Care Committee leh PUC-a zir ṭhinte pawl - Lenrualhlui te chuan nimin khan PUC campus-ah a thlawna inentirna an buatsaih.

Inentirnaah hian RIPANS-a thawkte leh Lenrualhlui member damdawi lam thiamte'n PUC-a thawk mekte leh pension tawhte hriselna dinhmun an enfiah a; darkar thum vel chhungin mi 400 vel an en hman a ni. Endik (test) ngai, a hmuna tih mai theihte chu an ti nghal zel bawk.

Free medical clinic-ah hawnna inkhawm tawi hman a ni a, Lenrualhlui chairman Lalbiakthanga Khiangte, IGP (Hqrs)-in kaihruaiin, PUC principal Prof. H Lalthanzara leh RIPANS principal Prof. Lalfamkimi ten thu an sawi. RIPANS zirlai hnam hrang hrangte'n an hnam lâm theuh an entir a ni.

Prof. H Lalthanzara chuan, PUC-in zirlaite hriselna an ngai pawimawh a, zirlaite'n taksa leh rilru hrisel an neih theih nan clinical psychologist-te ruaiin counselling an buatsaih thu leh mamawh thuta hman turin department tinah first-aid hmanrua an dah thu a sawi. Prof. Lalfamkimi pawhin, mipui tana rawngbawlna (community outreach) péng pakhat atan RIPANS-in free medical clinic an kalpui thu a sawi bawk.