TRC-in Fest & Cultural Day hmang

Social Welfare & Tribal Affairs department leh T Romana College chuan nimin khan T Romana College tualah 'Aia upa zah' leh 'Kum upate duat' tih thupui hmangin T Romana College Fest & Cultural Day an hmang a; College Health Cell, IQAC-in kum upate leh zirlaite tan a thlawna inentirna an buatsaih nghal.

T Romana College Fest & Cultural Day-ah hian zirlaite leh zirtirtute chu Mizo hnam zia pho chhuak thei thuam an inbel a; College Thingsiri Cultural Club-in hnam lâm chi hrang hrang an entir a, TRC zirlai chhuanawm bikte chawimawina hun hman a ni.

TRC principal Dr Jenifer Lalbiakdiki chuan, chibai bûkna hun a hmang a; aia upate zahna leh kum upate duat chu Mizona nen a inhmeh thu leh upate chu hnam ro hlu leh hnam tan malsawmna an nih thu a sawi.