Upate hamṭhatna tur sawiho

State Level Committee for Older Persons (SLCOP) chu nimin khan Social Welfare minister PC Lalthanliana hoin an ṭhukhawm a, kum lama upate hamṭhatna tur hrang hrang an sawiho.

Meeting-ah hian kum 65 chin chung lam tan Aizawl City Bus Owners Association (ACBOA) hnenah city bus chuan man 50%-a tihniamsak sak tura ngen an rel a; Mizoram House leh sorkar khualbukah a man tlawma thlentir turin sorkarah thlen ni se, an ti.

Meeting-a tarlan dan­in, kum 2014-15 chhung khan tar pension mi 25,469 hnenah pek a ni a; tar pension hi thla tin kum 80 chin chung lam tan Rs. 550 leh kum 80 chin hnuai lam tan Rs. 250 pek a ni.