Minister-in Lungleia hnathawh a enfiah
UD&PA minister Zodintluanga chuan, nimin khan Lunglei Rahsi Venga Convention Center sak mek leh Sazaikawna Multipurpose Indoor Hall sak mekte a enfiah a; building pahnih sak hna thawktute chu an thawk chak a, an thawk ṭhaa a hriat thu a sawi.
Convention Center-ah hian parking, office chi hrang hrang leh conference hall-te siam a ni dawn a; Sazaikawna Multipurpose Indoor Hall-ah hian infiamna chi hrang hrang tihna hmun siam tur niin, a sak nan cheng vaibelchhe ruk ruahman a ni a, financial year kal mek chhunga zawh tura tih a ni.
Minister Zodintluanga hian May 6 khan Lunglei Melte rama ‘Lena Sports Stadium’ sak mek a enfiah bawk a; hna thawktute chu a ṭha thei ang bera thawk turin a hrilh.