HSSLC-ah zirlai 74.53% an pass

9th May, 2015

Mizoram Board of School Education (MBSE) chuan nimin khan Higher Secondary School Leaving Certificate Examination (HSSLC) 2015 result a tichhuak a; zirlai exam 10,174 zinga 7,583 an pass. Pass percentage chu 74.53% a ni a, kum 2014-a pass percentage 71.32% aiin a sang zawk a ni.

HSSLC 2015-ah hian a pumpuiah distinction-a pass mi 151 awmin, first division-ah mi 1,468 an pass a; 2nd division-ah mi 2,452 leh 3rd division-ah mi 3,512 an pass. Compartmental chance nei mi 129 an awm a, fail zat chu mi 2,462 an ni. Compartmental chance neite tan June 16, 2015-ah exam buatsaih a ni ang.

Regular student 7,228 zinga 6,230 (86.19%) an pass a, private candidate 2,945 zinga 1,353 (45.94%) an pass. Mipa 73.24% an pass a, hmeichhia 75.86% an pass thung. Form fill-up tawh exam lo mi 327 an awm.

Private-a exam zingah distinction-a pass an awm lo a, 1st division-a pass 68 an awm. 1st-a pass zinga 22 chu Arts subject-ah a ni a, Science subject-ah 38, Commerce-ah pahnih leh Vocational subject-ah paruk an ni.

Arts-ah exam 7,333 zinga 5,293 (72.18%) an pass a, VL Malsawmtluangi d/o VL Hruaia (L), Dawrpui West, Chaltlang HSS zirlai chu pakhatna a ni.

Science-ah exam 1,954 zinga 1,602 (81.99%) an pass a, Monojit Konar s/o Buddhadev Konar, St. Pauls HSS chu pakhatna a ni.

Commerce-ah exam 552 zinga 444 (80.43%) an pass a, John Lalrempuia Ralte s/o Benjamin Lalhmingmawia Ralte, Ramhlun South, Oikos HSS, Aizawl chu pakhatna a ni.

Vocational-ah exam 335 zinga 244 (72.84%) an pass a, Zosiampuii d/o R Rammawia, GM HSS, Champhai chu pakhatna a ni.

Mizoram sorkar sikul enkawl aṭangin Arts-ah zirlai 81.26% an pass a; Science-ah 84.18% leh Commerce-ah 87.37% an pass. Deficit school aṭangin Arts-ah 88.19%, Science-ah 93.70% leh Commerce-ah 82.84% an pass a; aided school aṭangin Art-ah 84.87% an pass.

Lumpsum aided school aṭangin Arts-ah 80.08 % an pass a, private school aṭangin Arts-ah 87.95%, Science-ah 94.03% leh Commerce-ah 92% an pass.

Private candidate zingah Arts-ah 43.47%, Science-ah 55.47% leh Commerce-ah 53.66% an pass bawk.

Zirlai pass vekna (100% passed) sikul Arts-ah 37, Science-ah 12 leh Commerce-ah panga an awm a; zirlai fail vekna (100% failed) sikul Arts leh Science-ah pakhat ve ve an awm bawk.