NSS mi leh sate tan training buatsaih

Nimin khan Lungleia Saikuti Hall-ah National Service Scheme (NSS)-a programme officer-te leh volunteer-te tan orientation training buatsaih a ni a, parliamentary secretary (School Education) Joseph Lalhimpuia'n a hmanpui.

Joseph Lalhimpuia chuan, NSS programme chu a taka lan chhuahtir ngai, mahni aia mi dang dah pawimawh zawkna a ni tih sawiin, "NSS nihphung hi chhungkuaah, zirna-inah leh khaw­tlangah nunpui a ngai. NSS programme officer leh volunteer-te hi mi tana hnawksak ni loin, tanpuitu an ni a, ṭawngkam ringawt ni loin a takin mite thinlung hneh thei turin thawh a ngai a, chuta tan chuan programme pawh siam thiam a ngai a ni," a ti.

Sports & Youth Ser­vices secretary Zothan­khuma pawhin thu sawiin, NSS chu ṭhalaite tana hmalakna kawng pakhat, zirlaite'n an zirna piah lama mipui rawng an bâwlna a nih thu a sawi.

Training-ah hian Lung­lei, Lawngtlai, Serchhip leh Saiha aṭangin NSS programme officer-te an tel a ni.