Lawngtlaiah NULM training

Lawngtlai district-a National Urban Livelihood Missions (NULM) hnuaia self help group (SHG) member-te pualin nimin khan Lawngtlai DC conference hall-ah training buatsaih a ni a, Lawngtlai addl. DC R Lalsangluaia'n a hawng. Training-ah hian mi 160 vel an tel a, SHG-te chu bul ṭanna tur ṭanpuina (seed money) pek nghal an ni.

R Lalsangluaia chuan mahni hnathawh hmusit a, ngainep ṭhinte an dinchan ngai loh thu sawiin, "Hmasawnna rahbi sang zawk kan rah theihna tura min thlangtu leh min ṭanpuitute lungawina khawpa thawh ṭheuh tum a pawimawh. Chutiang mi ni thei tura hriat tur tul awm apiangte chu training chhunga hriatfiah tum ang che u," a ti.