National Hydrology Project–3 sawiho

Minor Irrigation minister Lal Thanzara hoin nimin khan CMO conference hall-ah Ministry of Water Resources, River Development and Ganga Rejuvenation leh World Bank ṭangkawpin India ram pumpuia project kalpui a tum, National Hydrology Project – 3 (NHP-3) chungchang leh project atana Mizoramin hma a lak dan turte sawiho a ni.

Meeting-a tarlan dan­in, NHP-3 atan hian cheng vbc. 3000 ruahman a ni a, chuta ṭang chuan Mizoramin cheng vbc. 50 chuang hret a chang dawn. Central-in 90% leh state sorkarin 10% an tum dawn a; project hi kumin sorkar kum aṭanga kum 2022-23 thleng awh tur a ni.

NHP-3 hmang hian kum khat chhunga India ram chhunga lui luang, tuihna chi hrang hrang leh ruah tlak tam dan mumal taka chhinchhiah a ni dawn a; chumi behchhana siam Water Information and Application System Database aṭanga information leh data rin­tlak siam tur niin, chung­te chu agriculture, power leh project pawimawh tak tak siam nan hman ṭangkai tum a ni.