Over bridge siam dan tur enho

Aizawl Municipal Council-in Aizawl khawpui chhung hmun pathuma kea kalte kawng­pui kânna tur lei, fly-over bridge siam a tum chu Inrinni zing khan Road Authority-te nen an enho.

AMC hian Israel Point, Bazar Bungkawn leh Canteen Kualahte fly-over bridge siam a tum a, chu chu Road Authority-ah an thlen hnuah, Inrinni zing khan an enho. Road Authority-te chuan AMC thil tum chu ṭha an tih thu an sawi a, an siam tum dan chu kimchang zawk leh a lem nen Road Authority-ah thlen leh se, ennawn leh ni se, an ti.

Fly-over bridge siam dan tur enhonaah hian AMC aṭangin executive councillor Rosiamngheta leh an engineer te, PWD engineer-in-chief Vanlaltluanga, Traffic SP C Lalthanmawia leh P&E, PHE leh BSNL aiawhte an tel a ni.