Hmunhmelṭha ramah saw mill din a ni dawn

Champhai District Expert Comittee on Establishment and Regulation of Saw Mills and Other Wood Based Industries-te tun hnaia ṭhukhawm chuan, Hmunhmelṭha ramah thing zaina hmun (saw mill) din ni se, an ti.

Meeting-a tarlan danin, Supreme Court thuchhuak angin thing zaina leh thing kaihhnawih thil siam chhuahna hmun chu hmun pakhat (industrial estate)-ah a awm tur a ni a; Mizoramah chuan saw mill hi hmun 15-ah a thawh khatna atana bun tur niin, Champhai district-ah chuan hmun pakhatah bun tur a ni.

Saw mill hi Mizorama din a nih chuan thing hmanga thil siam chhuahna dintute'n an thil deh chhuah chu state páwn thlengin a man tur dik tak angin an thawn thei dawn a, mipui tana thil ṭangkai tak tur a ni.

Saw mill dinna tura thlan Hmunhmelṭha ram hi May 12, 2015-ah Champhai DFO leh SDIO-ten an enfiah ang.