HSSLC result-ah dik lo awm niin hria

MSU chuan thuchhuah siamin, Mizoram Board of School Education (MBSE)-in May 8, 2015-a HSSLC Examination 2015 result a tichhuahah thil dik tâwk lo a awm niin an tarlang.

MSU tarlan danin, HSSLC result-ah hian subject zawng zawnga passed vek failed anga tarlan leh mark hmuh zat belhkhawm dik lo eng emawzat an awm. Result chhuah ni tlaiah MSBE website-ah HSSLC result enna block nghal a ni a, hei vang hian mahni mark hmuh zat hrechiang lo zirlai engemawzat an awm.

Zirlaite'n kum tluana rim taka an thawhrah an zirlai examna result chu endik tute fimkhur tawk loh avangin naupang ṭhenkhatte rilru a nat phah tih an sawi a; HSSLC result chu a rang thei ang bera en ṭha leh tur leh enquiry committee din turin thuneitute an ngen.