Serchhip-a transformer chhia

May 7, 2015 tlaia têk tlain Serchhip Vengchung tawntirhah tranformer 630 KVA khawl a deng chhia a, hei vang hian May 7 aṭanga tun thlengin Serchhip khawpui zatve velah power supply an nei loh avangin mipuite an buai tawh hle nia thu dawn a ni.

Serchhip aṭanga thu dawn danin, Serchhipa P&E executive engineer JH Malsawma chuan, tranformer chhia chu siam ṭhat theih a ni lo a, a thar lei dawn pawhin Mizoramah lei tur a awm loh bakah, Mizoram pawnah pawh a vâng tawh hle niin a sawi a; Aizawlah transformer 100 KVA vel pali lei tur a awm a, mahse chu chuan 630 KVA châwm ang a châwm zawh si loh avangin P&E thuneitu sang zawngte'n mipui harsatna sutkian dan tur an ngaihtuah mek niin a sawi bawk.