Tluang taka inthlan vangin lawm

Mizoram Pradesh Congress Committee (MPCC) office bearer (OB) ṭhukhawm chuan tun hnaia local council leh village council inthlan tluang taka neih a ni chu lawmawm an tih thu sawiin, "Inthlanna buaipuitu leh mawhphurtu zawng zawngte chungah lawmthu kan sawi a ni," an ti.

MPCC chuan thuchhuah siamin, an OB meeting chuan LC leh VC result chuan Mizoram mipuite'n Lal Thanhawla kaihhruai sorkarah rinna an nghah zia a lantir nia sawiin, lawmawm an tih thu an sawi a, "Aizawl khawpui LC 83 inthlannaah INC chuan LC 39 lain kum 2012 LC inthlan nen khaikhin chuan Congress hian local council 10 a neih belh a ni," an ti a, VC-ah pawh kum 2012 VC inthlan nen khaikhin chuan VC 42 an neih belh thu an sawi.