Champhaiah Congress-in kawngzawh

Champhai Kanan Veng Congress unit-te chuan nimin khan April 30, 2015-a V/C inthlan neih zawh taka returning officer (RO) thil tih dana lungawi lohna lantirna atan kawng an zawh a; RO thawhna Hranga High School-ah kalin, inthlanna felfai leh thiang­hlim an duh thu an auchhuahpui.

Thu dawn danin, Champhai Kanan Veng-ah hian V/C seat pasarih a awm a, RO-in INC pali leh MNF pathum tlinga a puan hnuah, ballot paper chhiar ṭhat leh a ni a, MNF pali leh Congress pathum tlinga puan an ni. Kanan Veng Congress chuan, vote chhiar ṭhat leh hi an mi leh sate haw tawh hnu a nih thu sawiin, "Result hi kan pawm thei lo," an ti.