News Lawrkhawm

Home neitu man
Davida Home, Khuangpuilama home father Lalzoliana (40) chu Home-a awm hmeichhe naupang kum tling lo pawngsuala puh a nih avangin Kolasib police-te'n May 7 khan an man a, May 8 khan Kolasib District Jail-ah dah luh nghal a ni.

Kawng siamtha
Langkaih Group YMA member-te chu Inrinni khan an group huam chhunga Zawlnuam leh Kanhmun inkar kawngpui siamin an hnatlang a, mi ṭhahnem tak an thawk chhuak. Hnatlang­-­ah hian YMA branch hrang hrangte chu hmun hran hranah insem darh­in, kawng chhe zual lai an thawm ṭha a, mi ṭha­hnemngaite'n pawisa an thawh khawm a ni.

Tihdikna
HSSLC 2015 result May 9, Inrinni ah khan Commerce Top 10 a pathumna Nikki Kumari kha Oikos HSS zirlai niloin St. Pauls Higher Secondary School zirlai zawk a ni e. Tihsual palhah thupha kan chawi e.