Saitualah MRB branch 88-na hawng

Mizoram Rural Bank (MRB) chuan Saituala branch thar an siam, MRB branch 88-na ni bawk chu nimin khan MRB chairman V Jaya Chandra-a'n a hawng.

V Jaya Chandra chuan, MRB branch hawn thar chuan Saitual district-a khaw hrang hrangte tan hmasawnna a thlen ngei a beisei thu a sawi a; chhungkaw tinte chu MRB bank-ah account hawng ngei turin a ngen.

MRB hi Regional Rural Bank Act, 1976 hmangin September 27, 1983-ah din a ni a, nimina hawn tâk nen Mizoramah branch 88 neiin, RD block zawng zawngah branch a nei tawh. Kum 2011 aṭang khan CBS hmangin an branch-te chu an thlun zawm vek tawh a ni.

Mizorama bank hrang hrang 27 awm zingah MRB hian financial year liam ta, 2019-20 chhung khan deposit-ah 27.68% leh advances (loan pek chhuah)-ah market share 31.03% an nei a ni.