Nasa takin hma kan sawn: Duhoma

ZNP president Lalduhoma chuan, village council leh local council inthlan neih zawh takah ZNP-in nasa takin hma an sâwn niin a sawi.

Nimina ZNP office-a inkhawmah thu sawiin, Lalduhoma chuan, VC leh LC inthlana ZNP candidate thlan tlinte a lawmpui thu leh, tling zo ta lote party tana an inpekna a ngaihhlut thu thu a sawi a, "Mizo mipui leh kan ram tan ZNP chu nghet tak leh huai takin a ding zel dawn a ni,” a ti.

Hetih lai hian ZNP ṭhalai chuan thuchhuah siamin, sorkar hotute'n Mizoram chu India rama state ralmuang tia an sawi reng laiin inlambun, inrûkbo, inkah hlum leh inrîkrâpna a thleng fo niin an tarlang a, "Pawi kan ti tak zet a, thleng nawn tawh lo turin kan duh a ni," an ti.

ZNP ṭhalaite chuan, Congress sorkar chu lalna leh thuneihna ringawt ûmah puhin, "Hnam bil thawhpui leh inremna an lo siamte a tihlawhtling leh duh lo hian ralmuan lohnate a thlenah kan ngai," an ti a; Congress party rinawm lohnain unau hmelhaina a thlen niin an sawi.