Meth kawltu kum 10 táng dawn

Cheng nuai 100 vel hû Methamphetamine kawl vanga man, Lalruatpuii Bawitlung (26), Khaw­mawi, Myanmar chu nimin khan Court-in kum 10 tâng tur leh Rs. 1,00,000 chawi turin a hrem.

Lalruatpuii Bawitlung hnen aṭang hian Customs department chuan kum 2014 khan Champhai bul, Melbûkah Methamphetamine mûm 10,000 an man a, ruihhlo phurhna bike khalhtu Lalnunpuia Bawi­tlung pawh an man a, Lalnunpuia erawh chu thiam lohna nei loah ngaiin Court chuan a chhuah a ni.

Thubuai ngaihtuahtu, ND&PS Court Special Judge Lucy Lalrinthari chuan, Lalruatpuii Bawi­tlung chu kum 10 táng tur leh Rs. 1,00,000 chawi turin a ti a; pawisa a chawi loh chuan kum khat dang tàn belh turin a ti bawk.