Serchhip YMA-in ṭanpuina pe

YMA Sub-Head­quarters, Serchhip chuan Mizoram leh Assam ramri buai vanga Mizoram chhana duty ṭanpuina atan Vairengte Joint YMA, Thinghlun Branch YMA leh hliamte hnenah Rs. 88,141 an hlân.

Serchhip YMA hian an hnuaia branch 21-ah báwm an dawh a, Rs. 88,141 a tling khawm. Pawisa tling khawmte chu Vairengte Joint YMA hnenah Rs. 50,000, Thinghlun YMA hnenah Mamit Sub-Hqrs. YMA kaltlangin Rs. 28,141 leh hliam Malsawmkima hnenah Rs. 10,000 an pe a ni.

Serchhip Sub-Hqrs. YMA chuan, ṭhahnemngai taka ramria duty-te ṭanpuina petu zawng zawng hnen lawmthu an sawi.