Champhai SP leh NGO hruaitute inkâwm

Champhai superintendent of police thar RP Meena, IPS chuan nimin khan Champhaia MJA member-te leh tlawmngai pawl hruai­tute a kawm a; dan leh thupek kenkawh kawnga hmalakpuiah a sáwm.

Champhai SP RP Meena chuan, khawtlang­a remna leh muanna a awm theihna atan te, dan leh thupek kengkawhtute leh mipui inkarah thawhhona ṭha a awm a duh thu a sawi a; chutiang tur chuan chanchinbu mite leh NGO-te chu thawhpuiah a sáwm a ni.

Inkawmhonaah hian Champhai district-a dan leh thupek kenkawh kawnga hmalakna tur an hriatte an sawi a; Champhai khawpuia ruihhlo chetvelna hmun bik nia hriatah police duty dah belh ṭul an tih thu te, motor parking fee khawn chungchang te, Gutkha leh a kaihhnawih dan khuahkhirhna chung­chang te, Myanmar lirthei, India ram chhung­a danin a phal chin baka rawn kal ṭhin tihtawp dan turte an sawiho a ni.

Inkawmnaah hian Champhai MJA member te, Champhai sub-hqrs YMA, YMA branch hrang hrang, NGO Coordination Committee, MUP leh MHIP hruaitu mi 23 an tel a ni.