Lirthei hman man tipung

Aizawl Municipal Corporation (AMC) Board of Councillor-te nimina AMC meeting hall-a ṭhukhawm chuan, Aizawla bawhhlawh paihna lirthei hman man an tisang.

AMC BoC chuan, Aizawl khawpui chhunga public private partnertship (PPP) mode-a bawlhhlawh paihna lirthei hman man an ennawn a, rate thar tura ruahman an pawm. Rate thar pawm tâk chu tuna hman mek aiin 10.67%-in a sang zawk a, November 2020-ah hman ṭan a ni ang.

AMC hian bawlhhlawh paihna lirthei hman manah thla tin Rs. 50,10,240 an séng a, kum khatah Rs. 6,01,22,880 an sêng ṭhin. Rate thar hman a nih hunah chuan thla khata senso tur chu Rs. 55,45,280, a ni tawh dawn a, kum khat chhungin Rs. 6,65,43,360 sên a ngai dawn a ni.