PM SHRI school inelna lawmman sem

Samagra Shiksha hnuaia PM SHRI school-te Ministry of School Education-in ni 25 chhunga tih tur a ruahman hmanga an intihsiak lawmmante nimin khan School Education Complex conference hall-ah sem a ni a, School Education director leh Samagra Shiksha state project director Lalsangliana’n a hmanpui.

PM SHRI school-te tan hian October 14-17, 2024 chhung khan district level-ah intihsiak neih a ni a, October 21-23 chhung khan state level-ah intihsiak buatsaih leh niin, PM SHRI school 24 an tel.

State level intihsiakah hian Rabung Primary School-I pakhatna an ni a, pahnihna Chanmari Model Primary School, Aizawl leh pathumna Lorrain English School, Siaha leh Hnahthial Primary School-I te an ni.

Debate-ah Chanmari Model P/S, quiz-ah Hnahthial P/S-I, creative art-ah Lorrain English P/S leh sports-ah Rabung P/S-I te pakhatna an ni bawk.

School Education Director chuan, School Education department chu Mizoram hma lam hun siamtu a nih thu sawiin, "Thawktute'n ṭhang lian zel tura ṭan lak a ngai. Department lian ber kan ni a, a lian zel dawn bawk a, officer-te leh thawktute'n kan hna ṭheuhah quality ngaih pawimawh a ṭul," a ti. Department-in hmun hrang hranga civil work a thawhte vil ngun a ṭul thu leh inthlahdah loa ṭan mar reng a pawimawh thu a sawi bawk.