LMC chhunga trade license nei loa sumdawnna tihtawp dan tur an rêl

Lunglei Municipal Council hotute leh Lunglei police hotute chuan nimin khan an chairman Lalzuithanga hoin a pisaah LMC huam chhunga trade license nei mumal loa sumdawnna tihtawp dan tur an rêl.

Lunglei khawpui huam chhungah LMC chuan trade license dilte hnenah a pe chhuak mek zel a, trade licence nei lote chuan LMC huam chhungah eng sumdawnna mah kalpui a thiang lo tih an sawi.

Mizoram pawn aṭangin license nei loa sumdawng Lungleiah an tam hlea hriat a ni a, chu chuan tualchhung sumdawnna a khawih chhe nasa nih a hriat thu an sawi a; license nei loa sumdawnna tihtawp a nih theih nana hmalak dan tur ruahman a nih thu an sawi bawk.

Ṭhutkhawmah hian vice chairman K Lalrinawma leh executive councillor Lalhruaitluangi Sailo balah, police aṭangin Lunglei SP J Lalmuankima leh a hote an tal a ni.