Chapchar Kût 2025 thupui atan 'Zo nun ze mawi - Hawihhâwmna'

Chapchar Kut Orga-nising Committee chu chief minister Lalduhoma hoin nimin khan CMO Conference Hall-ah an ṭhukhawm a; nakkum 2025 Chapchar Kût thupui atan 'Zo nun ze mawi - Hawihhâwmna' tih an thlang.

Ṭhutkhawmah hian kum 2025-a Chapchar Kût hman dan tur leh inbuatsaihna turte sawiho a ni a, Programme Committee leh Chapchar Kut Souvenir Editorial Board din a ni. Kût hman dan tur ṭha zawk a awm theih beiseia Art & Culture department-in inràwnkhawmna a buatsaih aṭanga rawtna lutte chu Programme Committee thlir tura dah a ni.

Chapchar Kut 2025 hmanna atan Mizoram sorkarin budget-ah cheng nuai 100 a dah a, 'Kût sponsor a theih ang anga zawn leh ni se," an ti bawk. Sorkarin Kût hmanna atana budget-a sum a dah chu district tinah leh state danga Mizoram House hrang hrangah sem sawn leh tur a ni a; sorkar department-te chu Chapchar Kût kaihhnawih hmalakna an neihah an department suma lo thawk (convergence) tura beisei an ni.