Kolasib-ah truck-in mi pakhat chîl hlum

Lalhriatpuii (31) d/o Ralliana, Kolasib Tuiṭhaveng chu nimin zing dar 3 vel khan truck-in a chîl hlum. Truck hi a tlân tlang avangin zawn mek a ni.

Kolasib police-te hnen aṭanga thu dawn danin, Lalhriatpuii hi a laizawnnu nen Vairengte lam aṭangin truck-ah chuangin Kolasib an pan a, Kolasib Saidan pêng bulah an chuanna truck chu a chhiat avangin an chhuk a ni. Ke-a Kolasib pan an tum laiin, Vairengte lam pana tlan truck an lo phar ding a, truck driver chu chhuk­in, Lalhriatpuii bag a pawhthlaksak thut a, truck-ah a lawn lehnghal a, truck chu handyman-in khalhin an tlan nghal a ni.

Lalhriatpuii hi bag a lak tumna lamah chesual­in, truck chuan chíl zuiin, ká chhawn lohin a thi a ni.

Police-in truck driver leh handyman-te chu an zawng mek a, he thu ziah lai hian rinhlelh thuah truck pahnih chu Vairengte police-te'n an hrêng tawh a ni.