Tlabung MZP-in lungawi lohna lantir

Mizo Zirlai Pawl (MZP) sub-headquarters, Tlabung chuan SDO(C) hun rei zawk awm tura dah phûtin nimin khan Tlabung SDO(C) pisa kawtah lungawi lohna an lantir a, zirlai ṭhahnem tak an pungkhâwm.

Tlabung MZP tarlan danin, Mizoram state a nih hma aṭangin Tlabung chu SDO(C) ṭhuthmun a ni a, mahse SDO(C) mumal an nei lo rei tawh a, sorkarin a dah pawhin awm rei loin an sawn chhuak leh mai ṭhin a ni.

Tlabung MZP chuan, Tlabung SDO(C) hna chu Lungsen BDO-in a hmui mek niin an sawi a, "Lungsen leh Tlabung inkar a hlat tham avang leh, Tlabung hi ramri depa awm a nih avangin SDO(C) nghet mamawhna a sáng hle a ni," an ti.

Lungawi lohna lantira pungkhâwm zirlaite hian SDO(C) an mamawhna kawng hrang hrang ziak­in an tárlang a ni.