Kan dinhmun a lungawithlak loh: Duhoma

ZNP president Lal­duhoma chuan, Mizoramin kum 43 chhung chief minister a nei tawh tih sawiin, "Tuna kan ram dinhmun en hian a lung­awi­thlak loh a ni,” a ti.

Lalduhoma hian nimina Aizawl South-III ZNP Block-I in ZNP V/C member thlan tharte lawmpuina Muallungthu khuaa an neih a hmanpuinaah Lalduhoma chuan, Mizorama hna lian zawng zawng chu hnam dang company-in an thawk vek niin a sawi a, "Project thawh hun chhunga an thawh zawh ṭhin loh avangin hnathawh man ennawna tihsan a ngai ṭhin a, hei hian hnungthak inhiah tawnna a thlen ṭhin a ni,” a ti.

Lalduhoma chuan, "Kum 43 chhung CM kan neih tawhte hian tun dinhmun hi min thlen theih ṭâwk a, kan ram an enkawl dan hi a lungawi­thlak loh hle. Pathianin min dah tumna hi kan thleng lo hleah ka ngai," a ti. V/C inthlan zawh takah ZNP-in nasa takin hma a sawn nia sawiin, “Congress an tlahniam a, MNF leh MPC an tla­hniam bawk. ZNP chiah hma lam pana kal awmchhun kan ni,” a ti bawk.