VANGLAINI ZIRCHIANNA TUN HNAI HSSLC (ARTS) RESULT
Mizoram Board of School Education (MBSE) chuan Higher Secondary School Leaving Certificate (HSSLC) exam kum tin a buatsaih ṭhin a, zirlai tam tak, college leh thiamna sang zawk zir tuma inbuatsaihte'n an hmachhawn ṭhin. Tun ṭumah hian kumin HSSLC Examination 2015-a Arts subject bik kan bihchiang dawn a ni.
A tiṭha zual 10
Kum li chhung, 2012 aṭanga 2015 inkarah HSSLC Arts subject-ah Top 10-a lang zirlai 55 an awm a, chung zinga 42 (76%) chu hmeichhia niin, 13-te chu mipa an ni a; a ti ṭha ber (topper)-te chu hmeichhia vek an ni.
Kum li chhung hian Chaltlang HSS-in topper pahnih (2012 & 2015) an nei a, Home Missions School-in top 10-a lang zirlai nei ziahin, kum li chhung hian an zirlai 14-te chu top 10-ah an lang a ni. Synod HSS-in top 10-ah zirlai pasarih an thawh a, Chaltlang HSS-in zirlai pali, Oikos HSS-in paruk, Mizo HSS-in pathum an thawh. Aizawl pawn aṭangin St. Peter's HSS, Chhingchhip leh St. John's HSS, Kolasib-te'n HSSLC Arts top 10-ah zirlai an nei deuh ziah bawk.
Kum 2012-15 chhunga Arts topper zingah R Lalrinmawii d/o R Lalrinsanga, Chaltlang HSS (2012) chuan mark a hmu sang ber a, 426 a hmu; kumina topper VL Malsawmtluangi chuan marks 423 a hmu ve a ni.
2012-15 inkara HSSLC Arts Top 10
Sex 2012 2013 2014 2015
Male 5 5 1 2
Female 10 11 13 8
Total 15 16 14 10
2012-2015 inkara Arts result khaikhinna
Particular 2012 2013 2014 2015
Appeared 7,937 7,089 8,417 7,333
Distinction 25 14 64 36
1st. Div. 399 287 707 589
2nd. Div. 1,082 1,049 1,779 1,505
3rd. Div. 3,206 2,706 3,407 3,163
Total passed 4,712 4,056 5,957 5,293
Pass percentage 59.37 57.14 70.77 72.18
Compartmental 388 263 179 79
Failed 2,837 2,780 2,282 1,961
Kum 2012, 2013 leh 2014-ah English subject-a mark hmu sang ber chu hmeichhia vek an ni a, kumin 2015-ah erawh chuan mipa a ni ve thung. Kum 2012-15 chhunga Mizo subject-a ti ṭha ber chu hmeichhia an ni char char a, Home Missions School zirlai an ni vek bawk. Sociology subject-ah pawh kum li chhung hian a ti ṭha ber chu hmeichhia an ni vek a, 2014 khan mipa pakhat a tel ve. Subject hrang hrangah mipa aiin hmeichhiain mark an hmuh ṭhat zawk a tam zawk a ni.
Compartment
HSSLC 2015-ah hian Arts subject aṭangin compartmental chance nei zirlai 79 an awm a, chung zinga 35 chu mipa niin, mi 44 chu hmeichhia an ni a; private candidate 34 leh regular candidate 45 an ni.
HSSLC 2015-a compartmental chance nei leh an subject-te chu - Education-ah mi 18, History-ah 15, English-ah 14, Economics-ah 8, Political Science-ah 8, Public Administration-ah 7, Geography-ah 7 leh Psychology-ah 2 an ni.
Mipa vs Hmeichhia
HSSLC-ah hian kum tinin stream hrang hrang zingah Arts stream-ah private-a exam an tam ber zel a, chung zingah chuan hmeichhia aiin mipa an tam zawk zel a ni. Chutih laiin, regular-a exam zingah mipa aiin hmeichhia an tam zawk thung. Pass percentage-ah mipa aiin hmeichhia an sang zawk zel a, fail zingah hmeichhia aiin mipa an tam zawk tlangpui bawk.
Hmeichhia leh mipa khaikhinna
Division 2012 2013 2014 2015
Male Female Male Female Male Female Male Female
Appeared 3,793 4,144 3,488 3,610 4,050 4,367 3,616 3,717
Distinction 11 14 4 10 17 47 10 26
1st. Div. 169 230 136 151 276 431 250 339
2nd. Div. 447 635 457 592 778 1001 688 817
3rd. Div. 1,558 1,648 1,380 1,326 1,699 1,708 1,633 1,505
TOTAL 2,185 2,527 1,977 2,079 2,770 3,187 2,581 2,712
Pass percentage 57.61 60.98 56.68 57.59 68.40 72.98 71.38 72.96
Compartmental 206 182 115 148 78 101 35 44
Failed 1,402 1,435 1,397 1,383 1,203 1,079 1,000 961
Zirlai hnawhchhuah
HSSLC exam-ah kum 2012 khan exam laia hnawhchhuah pakhat a awm a, kum 2013-ah mi pahnih, kum 2014-ah mi pakhat hnawhchhuah an ni a; kum 2015-ah chuan hnawhchhuah an awm lo.