Sihphir-Kawnpui inkara lirthei tlân theih hun

Kolasib SP chuan thupek chhuahin, Sihphir leh Kawnpui inkar kawngpui chu January 13, 2020 aṭangin Nidhi Creative Infrastructure Private Ltd. ten an siam mek avangin lirthei tlan theih hun tur bithliah a nih thu a tarlang.

Kolasib SP tarlan danin, Sihphir-Kawnpui inkar kawng hi chawhma dar 10:00 leh chawhnu dar 1:30 inkarah leh, chawhnu dar 2:30 leh tlai dar 5:00 inkarah khâr ṭhin a ni a; chawhnu dar 1:30 leh dar 2:30 inkarah lirthei tlân hun hawn ṭhin a ni. Tlai dar 5:00 leh a tuk chawhma dar 10:00 inkarah erawh chuan lirtheite tan tlân theih reng a ni thung.

Thupek zâwm lote chu MV Act Section 177 hmanga hrem theih an ni a; thupek hian ṭul bik thila Police, Fire & Emergency department, ambulance leh magistrate-te chêt velna a huam lo. Thuchhuah chungchanga harsatna tâwk emaw, police-a hriattir duh nei tan Kawnpui Police Station officer in-charge phone no. 9612177139 leh 6009126622-ah te, Kolasib PS phone no. 03837 – 222281-ahte biak theih a ni.