Bus-in nu pakhat a su hlum

Nimin chawhma dar 10:30 vel khan Mualpui-New Market line bus MZ-01 S-6942-in Bethlehem Vengah Hmingthangi (76) w/o B Liankhuma, Venghlui a sû a, Ebenezer Medical Center panpui nghal ni mah se, a hliam tuar loin chawhma dar 11:11 khan a thi.

Traffic Police hotute hnen aṭanga thu dawn danin, bus hi Lalramdinthara (23) s/o Ramluahmawia (L), Salem Veng, Aizawl khalh niin, Saron Veng aṭanga ITI Veng pan a ni a, Bethlehem Venga RK Ringhmasaa in kawtah kêa kal Hmingthangi chu bangah a sut chilh a ni.

Bus khalhtu hi mi a sut lai hian nikhawhre lo (unconcious)-in a awm nia sawi a ni a, Hmingthangi nen Ebenezer Hospital-ah hruai an ni.