Ralthuam, heroin leh kuhva man

Assam Rifles chuan an thawhpuite nen November 5-6, 2024 khan Mizoramah ralthuam, kuhva rah leh heroin eng emaw zat an man.

AR leh Mizoram Police ṭang dun chuan November 6 khan Serchhip leh Thenzawl inkarah Lalthanzama (50) s/o Chhuahkhama leh Vanlalmuanawma (22) s/o Lalthanzama, Thingsai ve vete hnen aṭangin gelatin tlâwn 9,600, a tihpuahna (detonator) 9,400 leh a hrui (cordtex) metre 1,800-a sei an man a ni.

AR sipaite chuan November 5 khan Champhai Zote-ah mi pathum - LT Siama (39), Myanmar leh, Aizawl lam mi Nangkhawkhupa (30) leh Ruatfela (36)-te hnen aṭangin heroin no. 4 gram 128.2 leh kuhva rah kg. 1,710 an man bawk.