KHAWTHLIR

Mizo ziak English Lehkhabu tlangzarh
Malsawmi Jacob-i'n Eng­lish-a thawhthu a ziah, 'Zoram­i, a redemption song' tih chu nimin khan Pi Zaii Hall, Synod Conference Centre-ah MBSE chairman Rev.Dr. Lalchungnunga'n a tlangzarh.

MCSA conference
Mizoram Civil Service Association chuan vawiin hian Aijal Club-ah Annual General Conference vawi 40-na an hmang dawn a, chief secretary Lalmalsawma khuallian a ni ang.

MJA Library pe
MJA Public Libra­ry-a dah turin Van­lalmuanawma'n a lehkhabu ziah, 'Hma lam beiseina tih copy hnih leh Dr Zohmangaiha'n a lehkhabu lehlin 'Káa puan chhuah' tih bu hnih an pe. Lehkhabu petute chungah MJA chuan lawmthu a sawi.

Labour room tha
Aizawl Civil Hospital-a Emergency & Labour Room kâng chu a pang­ngai anga thawm ṭhat zawh a ni tawh a, nau nei tur tan pan theih a ni leh tawh tih medical superintendent, Dr Ro-sangluaia chuan a sawi.

Chhungkaw kár
Mizoram Baptist Koh-hran chuan May 11, 2015 aṭang khan Kristian Chhungkaw Chawlhkar an hmang a, May 17 thleng an hmang ang.

Office hawng
Tlangnuam RD Block BDO officer building thar, New Secretariat Complex-a mi chu nimin khan Rural Development minister R Lalzirliana'n a hawng a; he hunah hian parliamentary secretary Lt.Col. ZS Zuala pawh a tel.

Ph.D hmu thar
Vanlalremruati Hnamte d/o H Sanghmingthanga, Lunglei chuan BCKV, Agricultural University, West Bengal aṭangin doctor of philosophy a hmu thar a, a thesis chu, 'Influence of Micro-nutrients and Plant Growth Regulators on Yield and Quality of Curcuma longa L' tih a ni.