MSU-in HSSLC-a Mizo tiṭhate chawimawi

Mizo Students' Union (MSU) chuan nimin khan HSSLC Examination 2015-a Mizo zirlai tiṭhate lawmpuina leh chawi­mawina hun Vanapa Hall-ah a hmang a, NECS chief managing director Robert Romawia Royte khuallian a ni.

MSU-in HSSLC-a Mizo zirlai tiṭha a chawi­mawite hi Arts, Science leh Commerce subject-a mite an ni a; Arts-a tiṭha pathumte hnenah Lalziki Sailo Award, Science-a tiṭhate hnenah Rev. Zairema Award leh Commerce-a tiṭhate hnenah A Sawihlira Award an hlan.

Pakhatnate hnenah Rs. 5,000, pahnihnate hnenah Rs. 3,000 leh pathumnate hnenah Rs. 2,000 ṭheuh an pe a ni.