CM Hawla leh DoNER secy inkâwm

Development of North Eastern Region (DoNER) ministry secretary R Vijaykumar chu Aizawlah a cham mek a, Thawhlehni tlai khan chief minister Lal Thanhawla chu CM banglaah kâwmin, DoNER leh North Eastern Council (NEC)-a Mizoram project hrang hrangte an sawi dun.

R Vijaykumar hi Mizorama DoNER hnuaia Non Lapsable Central Pool of Resourses (NLCPR) leh NEC hnuaia project kaltlanga hmalak mekte enfiah tura lo kal a ni a; Thawhlehni khan Sihhmuia NLCPR sum hmanga Suaka Cricket Stadium a en.

DoNER secretary hian nimin khan Chhingchhipa Sainik School sak mek leh Melriata Power & Electricity sub-station a en a; chief secretary Lalmalsawma leh sorkar mi official-te New Secretariat Complex-ah meeting a neihpui bawk.

Vawiinah Champhai College tihchangtlunna hna thawh mek a tlawh ang a, Selesiha Piggery Farm leh Vety Polyclinic-te pawh a la en bawk ang.