VANGLAINI ZIRCHIANNA Tun hnai HSSLC Science result
Higher Secondary School Leaving Certificate (HSSLC) Examination 2015-ah Science subject bikah zirlai mipa 842 leh hmeichhia 760, an vaiin mi 1,602 an pass a; pass percentage chu 81.99% a ni. Tun ṭumah hian kum 2012 aṭanga 2015 thlenga HSSLC Exam-a Science subject bik dinhmun kan bih chiang dawn a ni.
2012-2015 inkara Science result khaikhinna
Particular 2012 2013 2014 2015
Appeared 2,230 2,201 2,371 1,954
Distinction 23 25 73 86
1st. Div. 335 256 623 618
2nd. Div. 668 670 842 738
3rd. Div. 300 372 272 106
Total Pass 1,326 1,323 1,810 1,602
Pass percentage 59.46 60.11 76.34 81.99
Compartmental 158 37 62 33
Failed 746 841 499 319
HSSLC Science Top 10
Kum 2012, 2013, 2014 leh 2015-a HSSLC exam-ah Science subject-ah top 10-a zirlai 44 an lang a, chung zinga 23 (52.27%) chu mipa an ni a, mi 21 (47.7%) chu hmeichhia an ni a, mi 44 zinga 18-te chu hnam dang (non-Mizo) an ni.
Kum li chhunga Science-a ti ṭha ber (topper) zingah kum 2014-a topper Gaby Lalmuanpuii d/o Eric Zomawia, St. Paul's HSS tih loh chu hnam dang vek an ni a; kum li chhunga topper zingah kumin 2015-a topper Monojit Konar s/o Buddhadev Konar, St. Paul's HSS chuan hmu sang berin, mark 460 a hmu. Kum li chhunga topper-te hi St. Paul's HSS zirlai vek an ni a, top 10-a lang zirlai 34 an nei bawk.
2012-15 inkara top 10-a langte
Sex 2012 2013 2014 2015
Male 8 6 4 5
Female 3 7 6 5
TOTAL 11 13 10 10
St. Paul's 9 9 7 9
Non-Mizo 4 10 2 2
Subject mal ṭhenkhat
Kum 2015 HSSLC-ah hian Mathematics subject-ah letter mark (80% chin chung lam) hmu pha zirlai 51 an awm a, mipa 31 leh hmeichhia 20 hmeichhia an ni. Kum 2012-15 inkarah Mathematics-a third division leh distinction inkara pass-te zingah kum tin hmeichhia aiin mipa an tam zawk.
Physics leh Chemistry subject-ah pawh letter mark hmu pha zingah hmeichhia aiin an tam zawk vek a, a pumpuia pass zingah pawh hmeichhia aiin mipa an tam zawk a ni. Biology subject-ah erawh chuan kum li chhung hian letter mark hmu pha zingah mipa aiin hmeichhia an tam zawk vek thung a, a pumpuiah mipa aiin hmeichhia pass an tam zawk bawk.
Compartmental chance
Kumin 2015-ah hian Science subject aṭangin compartmental chance nei zirlai 33 an awm a, chungte chu mipa 24 leh hmeichhia pakua an ni a; private-a exam zirlai 12 leh regular-a exam zirlai 21 an ni. Compartmental chance neite chu Mathematics-ah mi 26 leh Physics-ah mi pasarih an ni.
Mipa vs Hmeichhia
HSSLC Science subject-ah hian private-a exam zingah hmeichhia aiin mipa an tam zawk zel a, regular-a exam zingah pawh hmeichhia aiin mipa an tam zawk. Mahse, hmeichhe pass percentage a sang zawk deuh zel thung. Science stream pumpuia fail zingah hmeichhia aiin mipa an tam zawk tlangpui. Kum 2013 leh 2014-ah exam laia hnawhchhuah zirlai pakhat ve ve an awm a, kum 2015-ah erawh chuan hnawhchhuah an awm lo.
HSSLC Science-a mipa leh hmeichhia khaikhinna
Division 2012 2013 2014 2015
Male Female Male Female Male Female Male Female
Appear 1,239 991 1,177 1,042 1,250 1,121 1,076 878
Distinction 16 7 14 11 35 38 43 43
1st. Div. 179 156 136 120 252 371 307 311
2nd. Div. 371 297 330 340 441 401 354 738
3rd. Div. 194 106 226 146 180 92 108 52
Pass Total 760 566 690 633 908 902 842 760
Pass percentage 61.34 57.11 58.62 61.82 72.64 80.46 78.25 86.56
Compartmental 75 83 25 12 39 23 24 9
Failed 404 342 462 379 303 196 210 109
Sikul dinhmun
HSSLC Science subject zirna bikah hian kum 2012 khan zirlai pass vekna sikul a awm lo a, kum 2013-ah sikul pathum, kum 2014-ah pariat leh kum 2015-ah sikul 15 a awm thung. Chutih laiin, zirlai fail vekna sikul kum 2012, 2013, 2014 leh 2015-ahte sikul pakhat ṭheuh a awm.
Kumin 2015-ah hian Science subject-ah sorkar sikul aṭangin mi 314 an pass a, deficit school aṭangin mi 342, private school aṭangin 662 an pass a; private candidate 284 an pass bawk.
HSSLC-a pass district khaikhinna
District 2012 2013 2014 2015
Aizawl 1,040 1,054 1,450 1,278
Champhai 42 38 52 42
Kolasib 18 23 39 43
Lunglei 128 142 177 174
Saiha 61 21 34 6
Serchhip 37 45 58 59