Minister-in Lza Varte a lawmpui

Sports & Youth Services (SYS) minister Lalnghinglova Hmar chuan nimin khan a pisaah thirsakawr hmanga India ram fang chhuaktu Vanlallawmzuala Varte (Lza Varte), Mission Veng lawmpuina a hlan.

Lalnghinglova Hmar chuan, Lza Varte chu sports tourism chawi lartu leh Mizoram tilartu a nihnaah lawmthu a hrilh a, "Mi nazawng tih theih loh ti theitu chawimawina hun hmang theia ka awm hi ka lawm hle. Fit India leh Fit Mizoram zûlzuia hetiang hlawhtlinna kan chang thei hian Mizoram ṭhalaite fitness lamah chona petu ni ngei se ka duh," a ti.

Vanlallawmzuala Varte lawmpuina inkhawmah hian YMA, Mission Veng Branch leh Mizoram Cycling Association hruaitu te, SYS department leh Mizoram State Sports Council hotute an tel. Lza Varte pawhin thu sawiin, a zinna chanchinte Minister a hrilh a ni.