KHAWTHLIR

Thisen pe

Reserved Bank of India, Aizawla thawkte chuan RBI kum 90-na lawm nan nimin khan Civil Hospital, Aizawlah thisen unit 17 an pe a, petute mipa 15 leh hmeichhia pahnih an ni a; United Youth, Sentlang pawhin Synod Hospital tan unit 11 an pe. DIET, Champhai-in Champhai District Hospital tan unit 36 pein, petute mipa 31 leh hmeichhia panga an ni a; ṬKP, Thenzawl Bial pawhin Serchhip District Hospital tan unit 30 an pe a, petute mipa 26 leh hmeichhia pali an ni.

AR-in heroin man

Assam Rifles chuan Novem-ber 6, 2024 khan Champhai Zote-ah Lallianchhunga (49), Champhai hnen aṭangin heroin (no. 4) gram 129.7 an man a, Champhaia Excise & Narcotics department hnenah an hlan.

MKVIB pisa tlawh

Lok Sabha MP Richard Vanlalhmangaiha chuan nimin khan Mizoram KVI Board (MKVIB) pisa a tlawh. MP hi MBVIB chairman Lalremliana leh chief executive officer JH Lalbiakliana ten lo dawngsawngin, MKVIB hmalakna leh hnathawhte an hrilhfiah. MP chuan, sorkar laipui KVI-a project thehluhte a theih anga a lo bawhzui tur thu a sawi.

MKVIB pisa tlawh

Lok Sabha MP Richard Vanlalhmangaiha chuan nimin khan Mizoram KVI Board (MKVIB) pisa a tlawh. MP hi MBVIB chairman Lalremliana leh chief executive officer JH Lalbiakliana ten lo dawngsawngin, MKVIB hmalakna leh hnathawhte an hrilhfiah. MP chuan, sorkar laipui KVI-a project thehluhte a theih anga a lo bawhzui tur thu a sawi.

Mei zu vai

Lunglei District Anti Tobacco Squad chuan nimin khan Lunglei khawpuia sorkar pisa hrang hrangah meizuk khapna dan bawhchhia an awm leh awm loh an enfiah a, dan bawhchhia man an nei lo.

Punkhawm khap

Aizawl district magistrate Lalhriatpuia chuan thupek chhuahin, Sinlung Hills Council inthlan neih zawh hnuah New Vervek biala hmun ṭhenkhatah harsatna a thlen avangin, boruak muanawm a awm theihna atan New Vervekah mipui punkhawm a khap. Khapna thupek hian chawlhkar hnih chhung a awh ang.