State sorkar tan MP thawh hlâwk tak nih hi ka hmathlir a ni - LS MP Richard

Nimin khan Chief Wildlife Warden 1st Telephone Advisory Committee (TAC) Meeting neih a ni a, Lok Sabha MP Richard Vanlalhmangaiha'n kaihruaiin, state sorkar tan MP thawh hlâwk tak nih a tum thu a sawi.

Richard Vanlalhmangaiha chuan, "Kan hun hlu tak neih chhung hian kan ram tana thil ṭha leh hmasawnna hriat reng tlak ṭhangthar zel turte tana hnutchhiah hi ka thupui a ni a, ka hun neih chhunga hmasawnna tam thei ang ber kan ramah a thlen theih nan central sorkarah theihtawpa hmalak zel ka tum. State sorkar tan MP thawh hlâwk tak nih hi ka hmathlir a ni," a ti.

Lok Sabha MP chuan, "Pathian leh mipui zarah Lok Sabha MP atan thlan tlin ka ni ve a, kan state hmasawnna turin kawng hrang hrangin ke kan pên mek a ni," a ti a; Mizoram hmasawn nan ram hruaitute an pên chhuak tih a sawi.

Telephone Adivisory Committee Meeting chu inbiakpawhna lama hmasawnna thar a awm zel theihna tura hmalakna pawimawh tak a nih thu sawiin MP chuan, mipui tana rawngbawlna a ni tih hria a, ṭhahnemngai taka thawk tur leh thawhhona ṭha tak nei zel turin TAC member-te leh BSNL-a thawkte a chah.

Ṭhutkhawmah hian district hrang hrang aṭangin TAC member-te an tel a; BSNL, Mizoram Bussiness Area principal leh general manager Arumaya Dakua-in inlawmna thu a sawi a, BSNL assistant general manager Lalthanhawla'n BSNL hmalakna leh hmachhawpte a sawifiah a ni.