MZU-ah chemistry inkhawmpui hmang

Mizoram University leh Pachhunga University College-a Department of Chemistry leh Department of Industrial Chemistry chuan November 6-8, 2024 chhung khan MZU-ah 'Current Advances in Chemical Sciences Research and Education conference leh National Convention on Chemistry Teachers an buatsaih.

November 6-a hawnna inkhawm chu Higher & Technical Education minister Dr Vanlalthlana'n a hmanpui a, thu a sawi bakah, mi pakua hnenah Association of Chemistry Teacher (ACT) Award a hlan. ACT hruaitute leh India rama zirna-in hrang hrang aṭangin chemistry lam hotute an tel a; Mizorama zirna-in hrang hrang aṭangin chemistry zirlaite an tel bawk.

Chawhnuah India rama university leh college hrang hrang aṭangin chemistry lam mithiam 12-in thu an sawi a; research scholar leh college faculty aṭangin poster presentation 33 a awm bawk.

Nimin khan khârna hun hman a ni a, oral presentation leh poster presentation-a ti ṭha zualte hnenah lawmman Rs 5,000 sem a ni.