SHC-a tlingte MNF-in an chawimawi

MNF party chuan Sinlung Hills Council (SHC) inthlanpuia MNF leh an thawhpui HPC(R) candidate thlan tlinte chu nimin khan an pisa, Mizo Hnam Rûnah lawmpuina an hlan.

Thusawitu MNF senior vice president Dr R Lalthangliana chuan, SHC inthlanah a chak avangin Pathian leh SHC mipui chungah lawmthu a sawi tih a sawi a, "Lalpa'n thil ropui tak min tihsak a ni. He hnehna hi MNF chakna vang ngawr ngawr ni loin, mipuite hnehna a ni. Mipuite'n ZPM sorkar thla 11 leka upaah rinna an nghat tawh lo a, mipui party, mipui ta, mipuite tana ding ṭhin MNF hnehna min chantir a ni," a ti.

Dr R Lalthangliana chuan, SHC inthlana an chak chuan chapona rilru neihtir lo se a duh thu sawiin, "Kan ram siam ṭha tur hian Pathian leh kan ram tan theihtawp kan chhuah zawk tur a ni a, tlâwmna aṭangin bul kan ṭan that a pawimawh," a ti a; SHC inthlana tlingte chu an hmabakah hmasawnna ruangám duan tur ṭul tam tak a awm leh an thlâwp zel dawn thu a sawio bawk.

MNF hian SHC inthlana MNF leh HPC(R) candidate zinga thlan tlinte hnenah chawimawina pangpar leh thuchei an hlan a ni.