Winter Operation for Wildlife Conservation Campaign hawng

Association for Environmental Preservation (ASEP) chuan nimin khan 1st IR Battalion, Mualvùmah Winter Operation for Wildlife Conservation campaign hawnna hun an hmang a, 1st IR commandant Lalṭhakima'n a hawng.

Hawnna inkhawm hi ASEP vice president Hmingthansanga’n a kaihruai a; Lalṭhakima chuan, Mualvûma ramngaw chu nungchate zalenna hmun ni reng se a duh thu leh sipai hmun a nih angin inthununna hnuaiah humhalh tlat an tum thu a sawi.

Kolasib district honorary wildlife warden Christopher Lawlor pawhin thu sawiin, Mizorama nungchate humhalh a ṭul avangin sipaite chu ram leh mipuite veng-himtu mai ni lo a, nungchate venghimtu pasalṭha ni turin a ngen. ASEP president K Lalmuansanga'n thu a sawi bawk.