ZPM party-in lawmthu an sawi

ZPM hruaitute ṭhukhawm chuan, Sinlung Hills Council inthlanpui neih zawh tâkah ZPM leh HPC party-te ṭang dunin sum leh therhlo hmanga vote an zawn loh thu leh lawmawm an tih thu
an tarlang.

ZPM office bearer te, Political Affairs Committee (PAC) memer-te leh general secretary-te chu nimin khan an party pisaah an ṭhukhawm a, SHC inthlanna an thlir lêt. Thuchhuah siamin, "ZPM leh HPC ṭang dunin sum leh therhlo hmanga vote a zawng ve lo hi lawmawm kan ti a, tun ṭum inthlan hi SHC area-ah kalphung thar mipui sorkar din chhoh zelna tura hmasawnna ropui takah kan ngai," a ti.

ZPM hotute thuchhuah chuan, SHC inthlanpuia ZPM General Headquarters inbuatsaihna leh ZPM leh HPC thawhhonate chu lawmawm an tih thu an tarlang a; an candidate-te leh an tlin theihna atana theihtawp chhuahtute leh an candidate-te vote-tute chungah te, seat pali an lak avangtein an lawm thu an tarlang bawk.