Ruihhlo do dan tur sawiho

Narcotics Control Bureau (NCB) huaihawtin nimin khan Chief Secretary pisa conference hall-ah National Coordination Committee on Narcotic (NCORD) state level meeting neih a ni a, chief secretary Lalnunmawia Chuaungo-in a kaihruai a, NCB deputy director general B Radhika leh Guwahati zonal director Rakesh Chandra Shukhla ten an telpui.

Ṭhutkhawmnaah hian Mizorama ruihhlo dona kawnga thawktu sorkar department hrang hrang - Excise & Narcotics, Police, Customs, Social Welfare, Food & Drugs Administration, DRI, Assam Rifles, BSF, Environment, Forest & Climate Change, Forensic Science Laboratory leh Health & Family Welfare department-a senior officer-te an tel. Meeting-ah hian Mizorama ruihhlo dona kawngah department hrang hrangte bakah, ṭhenawm state sorkarte nena thawhhona ṭha lehzual a awm theih dan tur te, ruihhlo dona kawnga NCB nena hmalakho dan turte sawiho a ni.