Sorkarin IPS ṭhenkhat a sîksawi

Mizoram sorkar chuan IPS officer ṭhenkhat hna a sîksawi a; IGP (Law & Order) ni lai Lalbiakthanga Khiangte chuan IGP (Hqrs) a chan belh dawn.

IGP (Training) Dheeraj Kumar chuan IGP (Armed) a chan belh a, Mizorama awm thar tur Meenu Chaudhary chu IGP (Intelligence)-ah dah a ni. DIG (Northern Range) H Ramthlengliana chu DIG (Hqrs.)-ah sawn a ni a, Mizorama awm thar tur Altaf Ahmed chu DIG (Southern Range)-ah dah a ni.

DIG (Southern Range) C Lalthanmawia chu DIG (Northern Range) an sawn a ni a, Mizorama awm thar tur Rohit Meena chu DIG (Eastern Range) a ni dawn a, Mizorama awm thar tur dang Shivam Siddarth chu Siaha SP a ni ang.

Transport secretary C Lalzahngoa chu MPS aṭangin IPS-ah a kaisan tâk avangin Security SP-ah dah a ni a; Mizoram sorkarah hian MPS-in secretary post pakhat an chelh thei a ni. Aizawl SP Rahool Alwal chu CID (Crime) SP-ah sawn a ni a, Aizawl SP tur ruat a la ni lo.