News Lawrkhawm

Ganja man
Champhaia Excise & Narcotics enforcement-te chuan May 14, 2015 chawhnu dar 2:30 khan Zote khaw dáiah Swift Dzire car MZ-01 L-2359 aṭangin ganja kg. 26 an man a; a neitua puh - Lalthlamuana (32) s/o Lalchhawna, Rangvamual leh Vijay Singh (34) s/o Nonda Singh, Rangvamuala khawsa nia insawite an man bawk.

UPC office hawng
UPC (North East India) general headquarters office thar chu nimin khan UPC general superintendent Rev. VL Dika Sailo-in Pa­thian hnenah hlanin a hawng. UPC Office hawnna inkhawm hi office awmna bialtu MLA Lt.Col. ZS Zuala leh AMC chairman CT Zakhuma ten an hmanpui a; tlaiah office thar lawmna ruai an ṭheh a ni.