KHAWTHLIR

Pavalai Meet
Synod revival Committee huaihawtin ram pum huap Presbyterian Pavalai Pawl Meet vawi hnihna chu zan­in hian Khatla Kohhran biak-inah ṭan a ni dawn. Pavalai pawl inkhawmpui hi Pathianni zan thlen awh tur a ni a, thupui chu 'Krista tana nun' tih a ni.

Táng turin ti
Lunglei District & Session judge Marli Vankung chuan, October 12, 2013 zana hmeichhe naupang kum 13 mi pawngsualtu Henry Khanthanga (38), Changpui chu kum 10 chhung táng tur leh Rs. 2,000 chawi turin a hrem. Thubuai ngaihtuah chhungin thuhretu paruk koh an ni.

AVBD-in ngen
Association for Voluntary Blood Donation chuan thuchhuah siamin, thisen pe ṭhinte record mumal tak neih a duh a, kumin World Blood Donor Day-ah thisen vawi 30 pe tling tawhte chawimawina hlan an tum avangin thisen vawi 30 pe tling tawhte chu May 31, 2015 ral hmain Aizawl Civil Hospital Aizawl blood bank-ah inhriattir turin an ngen. Thisen pe ṭhin inhriattir turte chu donor card keng turin an chah bawk.

CM Relief Fund
Serchhip -V (P&E Veng) VC-te chuan Chief Minister's Relief Fund-ah Rs. 20,000 an chhung lut.

HSSLC comp. exam
Nimin Vanglaini chhuaka HSSLC compartmental examination neih hun tur June 6, 2015 tih kha June 16, 2015 tih zawk tur a ni.

NEICCYA Conference
India hmarchhaka koh­hran pawl hrang hrang inzawmkhawm ṭhalai pawl, North East India Christian Council Youth Assembly (NEICCYA) Biennial Conference vawi 16-na chu zanin hian Aizawl Temple Corps biak-inah ṭan a ni dawn a, Pathianni zanah a ṭiak ang. Thupui chu 'Out of the comfort zone' tih a ni.