NEWS LAWRKHAWM

Buh tuhsak
Khuangthing Branch YMA chuan an khuaa mi harsa pahnih chu nimin khan hnatlangin an lo-ah buh an tuhsak. Hna­tlangah hian mi 600 vel an thawk chhuak a ni.

Pasal that
Lalmohan (34), Mualṭhuam, Mamit district chu May 13 khan a nupui, Koriti (24)-in an fehnaah a sât hlum. Thu dawn danin, Lalmohan te nupa hi Nilaini khan loah an feh dun a, a nupui chu tlaiah amah chauha a haw avang­in, an ṭhenawmte’n a pasal awmna an zawt a, thlámah a sah hlum thu a sawi a ni. Koriti hi police-in an man nghal.